سنین گوزلریوه داها باخمیه جم

اوز جانیمی اوتا داها آتمیه جم

بیر کره باخدیم گوزلریوه منی یئتر

دونیانین بو باشیندان او باشینا منن گئدر

داها الیم قیزمیر بیر ایش گورم

کونلول یانماسینا ینه گرک دوزم

اوز اورگیمی بو دونیادان اوزم

آخام یرین تکینه یاواش سوزم

شاید کی اوندا اوز گوزومی بوزم

بولاقدان یاشلاری دنه دنه سوزم

یر ایچرینده ده کونلومه یر یوخدی

آلیشیر یانیر ایسدیسی چوخدی

بیردن بیره جوشور داغلاردان آخیر

آغاجی چیچگی داشی یاندیریر یاخیر

هر نه گلیر قاباقینا کوکونن بیچیر

هر نه دورور قاباقیندا چولقالیر ییخیر

اللرین آتیر دورسینه سیخیر سیخیر

اللرین ایچرینده اوتی سیزدیریر

داها باخمیر آغینا بوزونا بورویور

جانی قورتالینجان یرده سورویور

گوزلمزدیم عشقیم بویله یانقین اولا

یر ایچرینده بویله جانلارا دولا

گوللری بیر بیر توسدودن سولا

آنالار حوروکلرین دیبدن یولا

اوزوملر داها شیرین اولماز قورا

چیچگ لر بوندان داها آچماز سونرا

آتا بابا سوزلری بودونیادا قالا

داغیلا ظولم بونیانی نچه مین قالا

اولموشام یالقیز بوردا گلگین حالا

گئت اوزووه ییغ قوشون آی بالا

اورگ یاراسین اوز دیلیوینن یایلا

کونلووه اومودلری تز تز جالا

اوندادیر کی سن اودارسان عشقینی

سوزر گوزلرینن سوینج اشکینی

آدین دییلر هر یرده اعصاردا

حتتی اورشلیمده شامدا باغداد دا

سنده آددان اوتور یازما پوزما احد

یاخشیلیق اتماقا یوخدور نه مرز نه حد

یازیلمیش:دی آیینین ، اوندوردونجو گونونون ، مین اوچ یوز سگسن آلتینجی ائیلی۴ Jan 2008