احد ایسفندیار اوغلو
بیر بالاجا یازیچی لوطفن و لوطفن سوزلردن دیرله ننلر سوزلرین قایناقی کیمنندیری یازسینلار.یاشاییش دونیادا اینسانیندیر
احد ایسفندیار اوغلو
بیر بالاجا یازیچی لوطفن و لوطفن سوزلردن دیرله ننلر سوزلرین قایناقی کیمنندیری یازسینلار.یاشاییش دونیادا اینسانیندیر
سومز عشقیم منی
سس سیز بیر عاشیقم ، سومز عشقیم منی
باشقاسین دینلیر ، گورمز عشقیم منی
دویمامیش ، چاغریمی باغریمی اشیتمیر
دولانار هر یری گزمز عشقیم منی
اریدیم شمعی کیمین یاندیم قارشیدا
غم گله درد چوکه اولمز عشقیم منی
یانیردی اوت باشیمدا الوولی تونقال
بوردادی کونولده گتمز عشقیم منی
جانیم آخیردی گوزی باخیردی منه
آغلار گوزوم بویله اتمز عشقیم منی
اوتووا سویرسن ایر یانا یارین
چاشمیش آغلیمادا گلمز عشقیم منی
عاشیق لر ایچره من یانلیز بیر آدام
اولسم یار یولوندا دیمز عشقیم منی
سوگیلیوین یولوندا اولسنده ایر
سویملی یاریما یتمز عشقیم منی
سوسوز یاشلی گوز گورمسم ایللر بویی
توکنمز بیرداها بیتمز عشقیم منی
دیک دوروب دایان واز گئچمه سن یاریدان
اوجالار یوگسلر ینمز عشقیم منی
احد سانما سومک اوت دییل یاندیرار
یانینجا آلیشار سونمز عشقیم منی
10 nov 2012 sat:یازیلمیش
Baqmeşədə ، sat 01:14
Kayip şehir
طیئی طریقی عشق
همیشه ایسدمز کونلوم اسیری عشق اولا
آیاخدان دوشرکن ناخوش مریضی عشق اولا
بویولدا چوخلی بلاوار همده بوللی جزا
گوزل گوزلردن سورارکن فریبی عشق اولا
ایر قورتارسان دردیدن غمی هیجرانیدن
گجمیش اولارسان بویولدان غریبی عشق اولا
یییرغم جانیوی امنن سالار غمخانه نی
آریخلار سارالار اوزوم دلیلی عشق اولا
رحم ایله سن گونش اوزلوم ایشیقساچان آییم
اوندادیرکی یار منه طبیبی عشق اولا
جفایه دوزمم یاریم من عاشیقی آن آچیخ
بینیم چالیشمیراینانمام رقیبی عشق اولا
چوخ دانیشدین دینمه سوس دیل قفسه سال احد
گوروشسن یارینان طیئی طریقی عشق اولا
یازیلمیش:۱۹ آذر آیی سات 01:45
dec ۹ 2012
گوزل گورموسن نلر چکدی کونلوم غمخانه دن؟
بیر کره ده آیریلماییب هچ کونلوم غمخانه دن
بیلمم سوچلویام یا سوچسوزام نردن کیمنن سوروم
سورقودان سوردوم هارا گدیر کونلوم غمخانه دن؟
اویله مستم بیلمزم چول هاردادیر دریا ندیر
گوزوم کوچاخ بیرلیهده قاچاخ کونلوم غمخانه دن
حالینی اوزگه دن سوررام کفیوی باشقاسیندان
بیلمسسن هاردان هارا قاچیر کونلوم غمخانه دن
عشقین یولوندا انیش یوققوش وار بیلیرسن احد؟
هارا گئتسن ایر قایتارار کونلوم غمخانه دن
سات 17:50 جمعه گونی
17 آذر 1391
7 Dec 2012
ینه بینیم مسموم اولوب عقلیم زاییل
گور کیمه اولموشام بو دونیادا ماییل
اسیری هوس دربندی هاوا جاش باش
هاراگدیر بو گوزل،کروان ای ساییل؟
بو قویییه سنین گوزونله توشدوم من
گور نمنه اولوب سننن منه هاییل؟
توتولموشدی عشقینه وورولموشدی یار
نه سایقی دویور نه ادب قیلیب قاییل
سونا بو یول کی گدیر گدر گلمزدی!
نه منه ظن ایله میسن سن ای جاییل
احد نه سوچی ایشله میسن دونیادا
کی بوننان یاشاماغا اولموسان ناییل
ای گوزل رحم ائله سن من تک جوانلار عشقینه
کیمسه نین دیری یوخ الده ساتانلار عشقینه
رسوای خلقم بیرینین یاردیمی یتمز منه
ای گوزوم کور اولگونان گوزده قالانلار عشقینه
کئچدیلر اونومه آرخامدا اولان اوزگه لر
بیر رحم قیل سنده منه یرده یاتانلار عشقینه
سیزلاییر کونلوم آغلار گوزوم ساغالماز یاراسی
بکلریم هر چاغ سنی چولده قالانلار عشقینه
غم یییرم درد ایچرم توپورمم قانلی سویی
ساقی بیر پیمانه ور تلده ساچانلار عشقینه
کیمسه کی گلر آیاخلار کیمسه گئدر دورتمه لر
دور بیر باخیم بویووا ائلده یانانلار عشقینه
بیلمه دیم یانلیش یولی گئتمیشم یا کی دوزده یم
سنده بیر یاردیم ائله سلده باتانلار عشقینه
سیرری وردین هر کیمسه یه بیر گون تاپشیررار یله
سیرریمی سن سویله مه یلده قاچانلار عشقینه
آل دولاندیرباشیوه من قوربانام قارا گوزه
قوربان گوزوم گوزله ره قولده یازانلار عشقینه
گوزلرم گوزوم اویار دیلده سوزوم یول اوزانار
یولووی سال بیر بورا یولده آچانلار عشقینه
بیلمه رم کی یاتمیش گوزوم کاشکی بختیم یاتماسین
گورسم یوخی قوش کیمین گویده اوچانلار عشقینه
ییخیلدین احد ایناندا بیر گوزلین عشقینه
گل اوپوم دیلدن سنی دیلده قالانلار عشقینه
Baqmesha 6 Nov 2012
Saat 23:50 Tue champion lige(real Madrid-bursia Dortmond)
گلین کورنده اوزومنن اوتانیرام من
قیز اوغلان گورنده سندن اوتانیرام من
ال الده گوز گوزده اوتوروب دانیشا
گوزوم گوزوندن اوزومدن اوتانیرام من
هاممی یتیشیب یارینه آلیب کامینی
قاچانناردان دورانلاردان اوتانیرام من
هاممیدان گیزلنیرم گیزلین پانج اوینیرام
گیزلین اولان ملکلردن اوتانیرام من
سن منه یاخشیلیخ اتمیسن گئتممیسن
نوخوشدان یاخشیدان پیسدن اوتانیرام من
آدم حووانان بیر سوچ ایشلدی یالقیز یوخ
یالقیزلیخدان یالقیزلاردان اوتانیرام من
احد بیر سوچون یوخ کی مینلرجه سوچون وار
سوچ پوزان اولو تانریدان اوتانیرام من
چایقیراغی 12:20
Sat 3 nov 2012
یاخشی باخ هریانا، جانا، آل اورنک دونیادان
دوز باخسان قوجییه گوررسن کی سولموش حیات
آنادان اولاندا کورپه دن جیهنه، های چیخار
کورپه نی آغلاتماخدان دونیایا دولموش حیات
کورپه آغلایاندا ایلک کره، دونیا دیرمیش
ایلک کره اینسانی تاپدالامیش دویموش حیات
دیلیوه گتیرمه پیس سوزی دینمه دانیشما
بیلمیسن نه قاری قوجالاری سویموش حیات
یاتاندا گوررسن اینسانلاری قارا باسیر
گننن،اوزاخدان باخان دییر بس گویموش حیات
ایکی گوزوم ایر تاپدالاسان نعمت لری
اوچاغدادیر گوزوم پوفله ممیش سونموش حیات
شوکر ایله ساغلیغیوا، اییلیب دوزلمه یه
اوندا بیلرسن کی آرامادان بولموش حیات
کونلوم جانیوی، یاریوی گوزلتمه بیر کره
یار گوزون گورسن ایر، جانیوا قونموش حیات
چوخ دانیشما چوخ آلیشما، قاریشما بیر کسه
سیرریلار اوزسه سودا، بولاننیخ اولموش حیات
هم حیات وارمیش، هم اولوم، ایکیسینن دونوم
بو جاندا نهنگ دونیا، نه ایچی بوش موش حیات
بیری اولور، بیری اولور، دونور یولا بیری
اشیدن، گوزل گوزوم، گوزلنیز مزموش حیات
احد اوزووه سن باش قاتمیسان عوموربویی
بیلمیسن کی دونیادا، چیچک لر یولموش حیات
یازیلمیش:8 تیر 1390 –29jun 2011
سات:09:30 ولیعصر- لیدای جدید
قارداشیم یولداشیم پکی من بولدوم آبی حیات
اوندا بیزدن سیزار دونیایا بولونمامیش حیات
بیلیرسن تابباسان نولور ایتیرسن یاشیوی
کونلوم مراکلانما بولسام اونی قایدار حیات
بویولدا گولوم توکولوب قانلار آلینیب جانلار
دیییرسن بسکی آساندی آراماخ بولماخ حیات
یارانمیشا یاساکدیر تانرینین ایشینه باش قاتماخ
سوس دینمه ساکین پاراسیز توشموش الیوه حیات
غزل اوخورسان بولمامیش بولسان گور نینسن؟
گول دانیش دوی سوگینی بول یاریوی بودور حیات
ایر دولانسان یارینان ایاقیوا داش دیر
اوندا شیریننوخ گوررسن یاردان دونیادان حیات
چالیش ،کییدرمیش اینسانی اوتورماخ، دور یری
اوندا بیلیرسن دادینی،باغری قان اولموش حیات
احد،گولر هرایشه گننن باخان ،آسان بیلر
جانی چیخسا ایش گورنده دیرین بیلر حیات
یازیلمیش:2 JUN 2011
گرچک آجی یالان آجی
سویرم گوزلی باجی
دوغرو آجی اوغرو آجی
سویرم گوزلی باجی
ایلان تک دونه گیرسده
یالاننان منی سوسده
گوزومون ایچین گورسده
سویرم گوزلی باجی
حیاتیم آجی اولسادا
جانیما آجی دولسادا
قیزیل گولی تک سولسادا
سویرم گوزلی باجی
کونلومه یارا وورسادا
یاراما بیتگی قویسادا
دریمی دوزلی سویسادا
سویرم گوزلی باجی
احد یولدا چاشدین قالدین
کهنه پالاز سالدین قالدین
ایاخ یالین دوندون قالدین
سویرم گوزلی باجی
یازیلمیش:29 اردیبهشت 1390 – 19 may 2011
سات:09:00
بایاتی:
کیپریک اوخ،قاش کامان،باخیش یای
گورماغی،سوماغی دانیش یای
پاییز اَکین ،قیشدا آییخ یات
باهار بیچین،دولانماغا یای
یازیلمیش:چهارشنبه 21 اردیبهشت 1390- 11 may 2011
سات: 16:00
بالیخ:
دنیزده سوسوزلوخدان چیرپینیر بالیخ
گلیر آشاغی گدیر اوسده بالیخ
دوزلوخدان دوز چیغارداللار ،ایریدن دوز
توشوب توپراغا آغزی اوسده بالیخ
ایریه ایری دمیسن، دوزه دوز
سورولموسان دیلین اوسده بالیخ
یاخشیه یاخشی اولوبسان، پیسه یاخشی
داغ قوی الین اوسده بالیخ
دیییردین توزاک قورمازلار اوزگوره
توشموسن تورا آیاق اوسده بالیخ
ددین اوزگورلوخدادا دوستاق سان
قولاق آسارام گوزوم اوسده بالیخ
یاغیش یاغمیر،چایا،سو آخمیر
اوچور قوشلار باشین اوسده بالیخ
سوماخدان چیخیبسان یولا، توشموسن تورا
قورولموسان اوتون اوسده بالیخ
ازلدن دیییرلر: دوز ایرینی کسر
توتولماز بوغازی اوسده بالیخ
احد،تانریه شوکر ایله پیسلوغا لعنت
توش توپراغا دیزین اوسده بالیخ
یازیلمیش: سه شنبه 20 اردیبهشت 1390- 10 may 2011
سات: 17:00
بیر گون ،گونشی گویده گوردوم
من گون گورمک ایسدیییرم
گئجه اولدی گوی قارالدی گون باتدی
من ایشیغی گورمک ایسدیییرم
آی چیخدی ایشیق ساچدی
بیر گون گورمک ایسدیییرم
آی دا گوزلدی گونده گونده
ایشیقین بولاغین گورمک ایسدیییرم
احد چوخ چیرپینما بو دونیادا
گونده گون گورمک ایسدیییرم
یازیلمیش:دوشنبه 19 اردیبهشت 1390 – 9 may 2011
سات:23:00