X
تبلیغات
رایتل
یکشنبه 19 آبان‌ماه سال 1387

توسباغانین حیکایسی

توسباغا

بیری واریدی بیری یوخیدی

الله دان سونرا بیر کس یوخیدی

بیر توسباغا واریدی کوک

اوزون نن کدرلری یره توک

بوللی صبیر واریدی بوندا

تانری یاریدمیشدیر حوصلنی اوندی

بیر ایش گورممیشدن گوتور گوی ادردی

آددیم اتمامیشدان فیکیر ادردی

چوخ سالیب چیخاردی هر ایشدن قاباق

سوراردی هاممیدان توتاردی سوارق

من بو ایشی گورورم دوزدی یا کی پیس؟

ورنی توخورام الیمده یاوان یا کی جیس؟

ایپی  پانبیخدان اولسون یا کی ایپک؟

آری نجه گول سچر گوزل پتک؟

توتار سوراق یردن گویدن

یاخشی اینسان آلار ایلهام سوزدن

هن توسباغا بیر گون گلدی بیر ایش گوره

تاکی اوزون قوشا ،جوت گوره

سوردو هاممیدان بو ایشی

نجور اولار ارکک دیشی؟

بیر عومور یاشییار یاکی بیر گون؟

نجه اولار قاراننیخدا بیر گون؟

هاممی سویلدیلر اونا بو ایشدن

تپدن دیرناقا حتتی دیشدن

راضی اولموردی او اورکدن

دویموشدی آغزینداکی یمکدن

سوندا آخداردی تاپدی اوزونه بیر یار

قیپ قیرمیزیدی اوندا گیله نار

اوزم ده قوریدی یاخشی دوزوم

اویار یوللارینا هر دن گوزوم

آغزیم قورویار چیخماز سوزوم

یار دان آیری بو دونیادا نجه دوزوم؟

چوخ آغلاییردی سانکی بولوت تک

اوزی آغارمیشدی قوروت تک

سولوردی اونو گورن مشه ده

هاممین بارماقی آغیزدا ایشه ده

تومارلاییردیلار اونی سوزلره

سن گرک قورییسن اوزووی گوزلره

داها چوله گتمییسن تک تنها

قالمییسن بیر اوده تک تنها

واخت اولدی توسباغا یومورتاسین

قیراقین بو دونیادان قادداسین

گتدی بیر اوزاق یره آدایا

ایر یاری اولسیدی آلاردی قادایا

بیر گون تامام اوردا یاتدی

تا کی اوردا اوز یوردونا چاتدی

اوز قاباقیندا قوملاری آتدی

گونون سونوندا باتدی

آی چیخیردی قوملار ایشیلدار

هردن قولاقلاری کوشولدار

آغاجلاری یل هر دن تیتردیر

یتیشمیس میوه لری یره سیلکلیر

اوخویور بولبول امان تانریم گجه ده

یل سیغاللاییر بونی نجه ده

شپه یاواش قیدیخلاییر آیاقین

یلدن توتور یارین سوراقین

بیر گجه راحات یاتمامیشام دونیادا

اولاممامیشام شیرین آغیز سوندادا

کونلوم یانیب قیشدا دوندادا

گوزوم قاچیب دالینجا یولدادا

کونلوم تیترییر سن نن اوتور ایندی ده

بو سوزلره یل اسدی دیندی ده

شپه ووردی توسباغانی سوردی قاباقا

قورودی آغزینداکی سوزلر دوداقی

گوزلری آچیق قالدی شیرین یاتدی

اوردا اوز یارینا همیشلیک چاتدی

قاسیرقا وورور سولی سیللی آدایا

باسیر سویا چکیر اشییه دییر آدایا

سن ییه دورمادین بو آنایا

من نه دییم باتمیش آتایا؟

داش گویول سن دونیا جانلارا

نجه بیچیرسن ایچیرسن قانلارا؟

بیر گون سوندا گون گوجلی چیخدی

آدانین باشینا اوزون ییخدی

سن آلیرسان دونیادا جانلاری

ایر اوغول سان ییخ خانلاری

گوج سیزا هاممی هر یرده باتار

گوجلی یانلیز اوز یارینا چاتار

پانبیخدان یوخدی یوموشاق دونیادا

توخویاللار اوننان گیلیم الده اوینادا

ایر توخوسالار دویونی کیپ کیپه

اینه ده کچمز اوننان ایپ ایپه

ایر ده بویوسه بیر کس پانبیخ ایچینده

چالیش کی قورییسن سوزلری ایل ایچینده

ییخیلار اونون اوی بیر گوز بیچیمده

تانی یاریوی گوزلرین نن بیر سچیمده

آچما کونلووی هر کسه سویلمه

سوس هردن اوت دینلمه

سوسماق هر یرده اولماز

قان هچوده یرده قالماز

دیلده قفسده قالسا ایر

دوداق بیر بیرینه قیوریشار میر؟

دیلده دوداقی بیردن کسر

کولکدن سونرا قاسیرقا اسر

بولانار اوننان سونرا دورولار

قاسیرقادا اسر اسر یورولار

ایلان فیررانار قروریشار بورولار

قورباغادا سوز دمگه قورولدار

گون قوملاری قیدیخلار

یومورتادا توسباغا قیغیلدار

قومدا ساخلار اونلاری سویوخدان

گون قیزدیرار یومورتانی اوزاخدان

بیر گون کی یل اسیردی

گون ده نفس لری کسیردی

بیرد ن بیره بیر تاببیلتی سس گلدی

البیر کی ایگنینن قابیقی دلدی

بالاجا توسباغا گلدی دونیایا

تا کی اوشاقلارینان اوینایا

بالاجا کلینن ووروردی قابیقا

سویونوردی ایچین ده دریدن قابیقا

گون سیغاللاییردی اونون جانین

دورولدوردی یاواش یاواش قانین

چوخ ووردی تا کی باشی آغریدی

امما دونیایا گلماقی دورودی

چیخدی اشیه دریدن قابیخدان

گوز ووروردی تزتز باخیردی قابیخدان

قاباقیندا گنیش لو خوار دنیز

بس هاردادییر بیزیم اممیز

منیم آتام کیمدی هانی بس آنام؟

بو دونیادان بس من نه قانام؟

بوردا گونون ایسدیسینه نیه یانام؟

من ناواخت آرزولاریما چاتام؟

توشدو یولا قاباقینا قاتدی

قارداش باجیلارین اوردا آتدی

دییردیلر گتمه قال بیزیم له

آخدارساز تاپارسی منی ایزیم له

گیردی دنیزین قوجاقینا

تا کی تاپسین دونیانی بوجاقینا

امما دیشلییر دی آغزین دوداقینا

کسیردی باغرین کونول اوراقینا

دنیزده دالغالاندی چاشدی

سو حددین نن آشدی

توسباغانین گوزوندکی یاشدی

کونلون دنیزه آشدی

سن منن نیه اییشیرسن؟

سن دنیز،منن دییشیرسن!

من گوژسوز سن گوژلی کوکلی

من دری سن سوموک توکلی

من چوپ سن آغاج کوللی

سنده واردیر یاشاییش بوللی

من گرک گدم بوردان اوزاقا

تا کی توتام آنام آتامنان سوراقا

گورم هاردا قالیبلار اونلار

هارا گدجک بیزدن سونرا سونلار

دنیز سوزلری اشیددی دوردی

دالغالارین قولاقلارین بوردی

سس سیز اولدی سوسدی

اوردا اوز طالحینن کوسدی

قول ووروسان قولاق توتولور

سس سیزلوخدان توکلر دورولور

توسباغا توشدی یولا قول قولا

دنیزده بالیق واردی بول بولا

دوست اولوبدی اونلارینان دیبدن

عهدی محکم دی قیریلماز ایپدن

دنیزی آشدی سودا قاشدی

سودان اشیه بدن نن سونرا باشدی

یتیشدی بیر قوشا دونگی یه

یورولموشدی اسیردی انگی یه

دیل داماق دان دوشوب بالاجا

گون ووروب اوسدونه رنگی سولوب آلاجا

آیاقلاری داها آچیلمیر

دنیزه داها قاچیلمیر

ددی هاردان گدیم هارا چاتیم؟

باشیمی هاردا یره آتیم؟

بوفیکریلرینن من نجه یاتیم؟

اوز منذیلیمه هاردان چاتیم؟

ددی ساغا گدیم یا کی سولا؟

بوردا چیچک لرتز سولا!

اورگیمه قارا قان دولا

ساچلاریمی دیبدن یولا

گتدی ساغا کونلی ددی اونا

بولبول اوخویوردی اونا بونا

اوزدی اوزدی ال ایاق چابالیر

سودا دریسی قابارلیر

یورولدی قالدی سویون اورتاسیندا

بالیقلار ییغیشیبلار سویون اورتاسیندا

یوخودا گوردی او بیر کابوس

ایاقلارین نان چیخدی توشدو چوس

دنیزه باتدی پشه کار بالیق

گوزلرینین قاباقین دا بالیق

آیاقی بالیقین آغزیندا

دیشلییر دوداقین آغزیندا

اویاندی یوخودان گوز آچدی

گوردی جننته آیاقیالین قاچدی

اونی سالیبلار بیر بالاجا قفسه

داها چیخمیر اوننان بوغوب نفسه

بالیق توتان توتوب اونی سودان

اولوب اوشاقی یاتاقدا خندان

گولور اویناییر اوننان،سوندا دورور

هردن اور یرینده اوشاق قورور

ال آپاریر اغزینا سورور

ینه اوزون توسباغانان یورور

توشدی گلدی اوشاق ایرلی

اللری توتوملودی گیرلی

ایسددی یاپیشسین بوغازیندان

سوروسون اونی یرده دوداغیننان

بیرد ن بیره بوینون قاچیردی

اوز بوینوننان کندیری آچیردی

بالاجا اللری،او دیشلدی

 یاش اوشاقین قیچینا ایشلدی

گوزلرینه دولدی بوللی یاش

ال آغیزدا هر طرفه دورما قاش

اوشاق اوجادان آغلاییر

یاراسین توپر جکینن باغلاییر

توسباغا گودی بو آغلاماقی

باشلادی اوشاقا سویلماقی

نچه گوندور دنیز ده یاتمتمیشام

آی ،گون چیخیب باتمامیشام

کونلومی هله سیزه آچمامیشام

دالغالی دنیزه باتمامیشام

سوزلریمی اوجوز ساتمامیشام

دنیزی دنیزده گویی گویده یاغلامیشام

گوزلریمین دورسین آلیب قارا

کونلومده یکلیب،بویویوب یارا

گوزلریمین ایچینه دولوب ساری

جاواننیخدا اولموشام سینیخ قاری

توتمامیشام بالینان آری

اکممیشم تا کی بیچم داری

گرک من تاپام دونیادا کوکومی

سن یمک ورجکسن یر کوکومی

اوشاق قاچدی بیردن اشی یه

الین سوخدو اوردان دشی یه

آیری اوشاق آغلاییردی پیشی یه

ایسدییردی اودا گتسین ایشی  یه

اونا گتیردی اوشاق یر کوکی

باخ سن اونا دوشونور کوکی

یدی توسباغا یوخلادی

اوردان اوز کوکونی یوخلادی

یوخودا گوردی آنا آتاسین

آلیردیلار بالاجانین قاداسین

سیغاللاییردی کونلی یاراسین

آنا آلمیشدی قوجاقا بالاسین

لای لای دییردی اونا اوز دیلینن

اوناییردی اوشاق اوز بلینن

لای لای کورپه قوزوم لای لای

قالمیسان یالنیز من سیز لای لای

بسلرم سنی دیزم اوسده لای لای

آلارام قاداوی باسارام باغریما لای لای

کورپسن امما بلیرسن چوخلی

دیمسین کونلووه پاسلی اوخلی

شاد یاشا الینده اوبان دا دونیادا

اوتوما ظولموده اوتا دویاندا

اوردا چاتدی بالاجا اوز مطلبینه

بوشاندی اوننان سویوندی دردلرینه

البیر آنادان اولدی ینه

قاییداجاقدی اوز الینه ینه

بیر گون اوشاقلارین باشلاری قاریشدی

بالاجا اوز طالحینن باریشدی

بوردا بیر بیوک یاریشدی

توسباغا ال جان بیر قاریشدی

تو دابانا دور دال ایاقلی قاشدی

اوشاقلارین گوزونه دولان یاشدی

آسدا قاچان یاواش گدن نامردی

دوروب باخان آرخاسینا نامردی

قاشدی تز آرادان چیخدی

اوزونو دالغالی سویا ییخدی

قاچیر سو اوزونده سانکی قوزو

شیللاق آتیر سونجوخلاییر،هانکی قوزو

08.nov.2008 /           /

قاچیب تز آرادان چیخدی

اوزون آرخاسی اوسده ییخدی

اوزانیب اوزونه گوونیر

بو یولدا کونلونه گوونیر

آخداریب تاپیب اوز سویون

یون سوز قالماییب قویون

باخیر گویه ایشیلدیر اولدوزلار

شپه وورور آتیر گوزونه شور دوزلار

آیدی چیخیب دییر گوزه

آناسینی خاتیرلاییر سوزه

الیوه قاییت اوردا قالگینان

ملک تکین چاققاللاری آتگینان

ایشیق تک دنیزه باتگینان

سو تک ایشیقی قایتارگینان

بالیقدا دورو سودا بویور

آغزین آچیب یومور بورور

گجه لر دنیزده سس سیز سویور

بالیق سو ایشماقدان دویور

کونلونون آغریسی هردن قویور

کونلونی ایسدی قان اویور

دولودیر درسینن بوللی اشیک

یاواش ییرقالایار کورپنی بشیک

سیچان گورجک قاچاردولاردشیک

باشماقلاری گیمه تای کشیک

گتمیشم سویوق دادا ایسدیده ده

آخماسین گوزون نن  یاش توسدوده ده

ایندی من برک توتارام الیمی

باغلایارام آچیلماسین بلیمی

بالاجا قاییتدی اوز کوکونه

اوردا یییردی بوللی یرکوکونه

ساغ چاتدی توسباغا آدایا

قالانلار اولوردولار قوربان قادایا

سویلدی اونلارا باشینا نه گلیب

گوزلر دولوب سل سو گلیب

بو ناقیل دویولدی بیینه

اولموشدولار قول بویون قیینه

ایندی هاممی دیر اونون داستانین

یاددا ساخلایار اونون داستانین

الینه قاییدان ینیدن دوغولور

اوزمک بیلمیین دنیزده بوغولور

سونا چاتدی منیم سویلماقیم

ایندی آلیشمیشام باشدیر گوینماقیم

  

نظرات (0)
برای نمایش آواتار خود در این وبلاگ در سایت Gravatar.com ثبت نام کنید. (راهنما)
نام :
ایمیل :
وب/وبلاگ :
 X 
ایمیل شما بعد از ثبت نمایش داده نخواهد شد