بولاق

بولاق اؤ داغین دالیسی بی‍زیم اؤ دیر             یووامیزدیر ائلیمیزدیر اوبامیزدیر چوخداندیرکی اوردان هامی قاچیب      باشقا یرده یووا قوروب اوبا آچیب او داغلار او داشلار بیزلری هارایلار          ایگیتلری هر یردن سوراخلار دیر گل سن منیمله قال                                   بیرین دنه مینین منن آل بولبولدن مارالدان جیراننان                       گوتور گوزللوغی اونلاردان آخ بولاقینان قاینا                                            من سنه دییم هه داینا باخ چایدی هامان بولاق دی                     اونا دولان بیرلشن بولاق دی هر داغین اتگینده بولاق لار                  بیرلشر قووشار بیرلوخدا آغلار گلر گدیهده اولار بیوک سیل                قاباقدا دوران قوشونی وورار ایل هامهن بولاق قوشونی تالاننار                تا کی اوننان یاد ایلسین قالاننار احد سنده قاریش بولاقا آخگیننان    اوز جانیوا چتیننوغون پیین یاخگینان

کدرلی گوزلر

کدرلی گوزلر  

کدرلی گوزلریوه باخاندا دولور گوزلریم  

آخیرکونلومنن جالانیر یره سوزلریم

سوزلریوه قولاق ورنده اسیر بدنیم 

    گوردادا تیتریه جک هله کفنیم

الیم اسیر توکولور پیاله دن شرابیم   

  بس هارا گدیر دونیا نولاجک سوراقیم؟

هر نه ایچمیشدیم ساقی اوچدی گویه  

   هچ سوروشمادیم نیه گدیرسن گویه

من قالدیم بوردا ینه تک  تنها   

  من دانیشیرام بوردا اوزومونن تنها

کدر گوزلرینن دولوبدور قانیما   

   گور نجه اوتو سالیبدور جانیما

قاسیرقا تالان ادیب گولزاریمی   

  الان ولان ایلییب بوستانیمی

احد داها یوخدورگولوستان دا بیر گول 

 سن الله سن سودیگین ایستک بیر گول 

ضرب المثل های ترکی آذربایجانی

ضرب المثل های ترکی آذربایجانی

اسنه ماغ اسنه ماغی گتیرر وای سامانلیق داشینا

کؤرتوددوغون بوراخماز

قوچ ایت دایی سیناچکر،خاتون قیزخالاسینا

دین سیزین کی ایمانسیزدی

اولمه اششکیم یونجابیتینجه

بوشلی بوشلونون ساغلیغین ایستر

مالین بک ساخلاقونشون اوری توتما

چولمک دیغیرلاناردوواغین تاپار

اصیل ایتمزیاغ ایئیمز

مال گئدربیریاناایمان گئدرمین یانا

دالدان آتان داش تؤپوغادئیر

سؤزسؤزی گتیررآرشین بئزی

چک زحمت گؤرلذت

چؤخ دولانان چؤخ بولر (چؤخ دولانان تؤپوغاداش دئیر)

دوه اوینویانداقاریاغار

نانجیبه چالاسی یا گئتمه

اششک ساتان کؤششک آلانماز

قونشی پایی یاخچی دی بیرگون سنده بیرگون منده

قونشی قونشویاباخارجانینی اودایاخار

خؤروزیؤخویدی سحرآچیلمیردی؟

جوجه نی پائیزداساناللار

یاغ یؤغوتداندی،یؤغوت یاغدان

گلین اؤینویانماز دیئراوتاق ایری دی

موساهیبین باب ائیله،گؤرن دئسین هابئیله

قارا قارقانین بالاسی اؤزونه شیرین دی

ایگنه هامی نی بئزر اؤزی لوت گئزر

کردالی کردارین ئیئر،کردارسیزلار کؤینک گیرر

حالواحالوادئمگیلن اغیزشیرین اؤلماز

چیراخ اوز دوره سینه ایشیق سالار

دلی دلی یه باخار،چوماغین ایری توتار

اوستاد هوشنگ جعفری نین تورکی شعرلری

1 – آغ آتیم	2 – آچین آقیشقالاری
3 – ساوالان	4 – استاد هوشنگ جعفری دن بیر نئچه تورکی غزل
5 – یار آغلادی من آغلادیم	6 – استاد هوشنگ جعفری دن بیر گوزل شعر
7 – "سهند "یم تک باشی طوفانلی بابک	8 – آغ بولاق
9 – استاد هوشنگ جعفری هئی هئی	10 – آدیم دائم قالار افسانه لرده
11 – گئجه لر -- استاد هوشنگ جعفری	12 – قویون دویونجا باخیم گر چه تازیانه سی وار
13 – اؤلسم سنین قاپیندا قازارلار مزاریمی	14 – آنامین سسینده صداسیندایام
15 – قومری دؤشونده گیزله دیب اؤز غم ترانه سین	16 – من ایستییرم منی سن اؤز اوتوندا یاندیراسان
17 – دری سین سویدولا گؤز باخدی ،دیلی آخ دئمه دی	18 – گوزل زنگان -- هوشنگ جعفری
19 – گئنه آرغین گئنه یورغون گئنه بیر غملی اؤره ک	20 – کئفلی کئفلی --- اوستاد هوشنگ جعفری نین شعری
21 – شهریار گئدنده -- هوشنگ جعفری

آتا سوزلری 1

• آجیقلی دیلَنچی نین تورباسی بوش قالار

• آخیردا گولن یاخشی گولر

• آخیرده گلن قاپینی اؤرتر

• آخیری فنا اولاجاق ایشی هئچ باشلاما

• آدامین آغزی آشا چاتاندا ، باشی داشا دَیَر

• آرالیق اویونون آرالیقدا اوینارلار

• آرالیق سؤزو ائو ییخار

• آرالیق مالی آرادا یئییلر

• آرواد کیشینین قولتوق ساعاتی دیر

• آرواد مالی  قاب دستمالی

• آروادا شریک اول، مالا شریک اولما

• آریق آتا قویروغو دا یوکدور

• آریق آتا یوک چاتمازلار

• آریق آتدا تَپر چوخ ، یئریمَیه هونر یوخ

• آریق اؤکوزه بیچاق اولماز( آریق اؤکوز کسیلمز(

• آز اولسون ، دوز اولسون

• آز یئه همیشه یئه

• آزانچی چکر سویوغو ، موللا یئیر تویوغو

• آزاندا گئت شیطان ائوینه

• آستا آتین تَپیگی بَرک دَیر

• آستا گئدن منزیل کسر

• آستا گئدن یورولماز، یورویَن یولدا قالار

• آشیق گؤردویون سؤیلر

• آغاج بار وئردیکجه ، باشین آشاغی تیکر

• آغاج توتان باش یاراندان چوخدور

• آغاج گتیرَنین اوّل اؤزون وورارلار

• آغاجین ایکی باشی وار

• آللاه قوناغینین اؤز قسمتنی وار

• آلیجی نین گؤزو ساتیجی دا اولار

•آوازین یاخشی گلیر ، اوخودوغون قرآن اولسا

• اؤ کوزو اولانا ، گؤن بورج وئرمزلر

• اؤرتولو بازار دوستلوغو پوزار

• ائرتَیه قالان ، بلادان قورخما ائرتَیه قالان ، آرخایا قالار

• اؤردک اتین قاز اتین ، یئیَن بیلر لإّتین

• اؤردک گلیب قاز اولماز، گلین گلیب قیز اولماز

• اؤردَگی باغلاماغا ایپک گرک ، یار ایله اویناماغااورَک گرک

• اؤردَگی سو ایله قورخوتمازلار

• ائرمنی دن شاهید ایستَدیلر ، اوزوم آیاقلایان گتیردی

• اؤز آدینی اؤزگه لره قویما

• اؤز اؤزونه ائیلَیَنه چاره یوخدور

• اؤز ائولرینین تولکوسو ، اؤزگه ائوینین آسلانی دیر

• اؤز ائویمین نؤکرییَم ، اؤزگه ائوینین  آغاسی

• اؤز ائوینده اؤز باشینی باغلایا بیلمیر ، اؤزگه ائوینده گلین باشی باغلاییر

• اؤز چؤرَگینی اؤزگه سوفره سینده یئمه

• اؤز عاغلینی اؤزگه عاغلینا وئرمه

• اؤز قدرینی بیلمَیَنین قدرینی اؤزگه سی ده بیلمز

• اؤز قورو چؤرَییم ، اؤزگه نین پیلوووندان ) چیلوو( یاخشیدیر

• اؤز کؤوشنینده اوتلایان مال آج قالماز

• اؤز گؤزونده بایقوشون بالاسی ، تاووس قوشوندان دا گؤزلدیر

• اؤز گؤزونده تیری گؤرمور، اؤزگه گؤزونده قیل سئچیر

• اؤز گؤزونده دیرَگی گؤرمور، اؤزگه گؤزونده چؤپو گؤرور

• اؤزو عدالتلی اولانین قاضییا احتیاجی اولماز

• اؤزو قازانمایان مال قدرینی بیلمز

• اؤزو ییخیلان آغلاماز

• اؤزون باخما سؤزونه باخ

• اؤزوندن قوّتلی ایله آیاق چکمه

• اؤزونده اولمایاندا قونشویا گئدرسن ، قونشوندا اولمایاندا هارا گئدرسن ؟

• اؤزونو یاستا بیلسن ، یولداشینی اؤلموش بیل

• اؤزونو باشقاسینا نردیوان ائیلَمه

• اؤزونه حرمت قویمایان ، اؤزگَیه ده حرمت قویماز

• اؤزونه قییمادیغینی ، اؤزگیَه ده قییما

• ائششک نه بیلیر زعفران نه دیر؟

• اؤکوز اؤزونه یونجا اَکنده باشی آغرییار

• اؤکوز اؤلدو، اورتاق آیریلدی

• اؤکوز اؤلر گونو قالار، ایگید اؤلر اونو( شهرت( قالار

• اؤکوز اؤلمَیینجه اینگه قیمت اولماز

• اؤکوز اولاجاق دانا پوخوندان بیلینر

• اؤکوزو اولانا بورج گون وئرلر

• اؤلموش آتا یوک چاتمازلار

آیریلدیم

آیریلدیم

منه مجنون دئمه جانا ، کی من لیلا دان آیریلدیم

بئلی اینجه قاشی خنجر ، گؤزی شهلا دان آیریلدیم

گوزل نازلی سؤزی سازلی ، او آوازلی نیگاریم دان

شیرین دیللی ساچی تئللی ، مَلَک سیما دان آیریلدیم

دویونجا گؤرمه دیم هئچ من ، او گول روخساری آی آللاه

اینانمیر بو کونول کی بولبول شیدا دان آیریلدیم

گؤزومدن بیر آراز آخدی ، اُوت اولدی سینه می یاخدی

او گوندن کی دلی لر تک گول رعنا دان آیریلدیم

اولر ماهی دنیزدن گر بش اون دیقه اوزاق قالسا

نئجه دؤزسون بالیق کونلوم ، کی من دریا دان آیریلدیم

منیم بیردانه دونیام وار ، اودا سؤزسوز فقط سنسن

من ایندی بیر اولو جیسمم ، آخی دونیا دان آیریلدیم

شاعیر : وحید شکرزاده

بو شعری شاعیرین اؤز سسینده دانلود ائدین

دانلود

علی آقا واحدین شعرلری

1 – لیلا کیمی اولماز	2 – اؤزون
3 – دئدیم – دئدی	4 – خوشدور
5 – کونلوم	6 – بیز قالدیق
7 – ایسته میرم	8 – سئوگیلی جان
9 – صولح اولماسا	10 - دوشرسن
11 – افغانیمیزا	12 – بیرده جوان اولماقیما
13 – اولماسادا	14 – اولا
15 – نازلی دیلبر اولا	16 – بیر دیلبریم اولسا
17 – گرک اوددا یانا	18 – اولسا
19 – محبت اهلینه	20 – باخدیقجا
21 – اولماسا	22 – اوز باشینا
23 – کونول	24 – موسیقی مجلیسی
25 – گولسون منه	26 – سرو نازه وئریب

قویو ایچرینده

قویو ایچرینده

یازیخ کونلوم دوشوبدور کندیریوه

چکمه اوسده قوی قالسین قاراننیخدا قویو ایچرینده

دوزممیر اورگیم قالدیر جیسمیمی اوسده

کونلومی آتمیشام قالیب قویو ایچرینده

ای وای عاقلیم دا قالخیر منن اوسده زهر لنیب کونلوم اوسده

قوی اونودا آتیم سویا قویو ایچرینده

اصیل گوناهکاردیر گوز باخیشی اوسده

اونلاری آتسام دا ایتر ایشیق قویو ایچرینده

قولاقیم دا کی البیر گوناهکاردی سسی اوسده

اونلاری دا باتیریرام سویا قویو ایچرینده

بیرنیم دا اونون ایزین چکیب عطری اوسده

عطریده بوغورام کونلومون توسدوسونه قویو ایچرینده

وای یاریمین ایزی قالیب قیرمیزی دوداق اوسده

رددین قاشیرام پیچاقینان قویو ایچرینده

ووجودیمین ذره ذره سی یانیر عشق اوسده

قوی جیسمیمیده باتیریمسویا قویو ایچرینده

دینده گددی الدن ایمان دا احد یار جمالی اوسده

یوسون پاکلاسین روحیمی آیدین سو قویو ایچرینده

من احد ایسفندیار اغلو تبریز شهریندن سیزلره اوز یزدیخلاریمی بو وبلاگ دان بوراخاجام

ایلک یازی: 

امان قوجالیق امان قوجالیق

کیپریگیم دونور گیریر گوزومه

گوزوم جومور سینیر اوزومه

دیلیمده اوخور ماهنیلار سوزومه

سینیخ سالخاخ لووالیخلیر ایریدن دوزومه

کدر قونور باخدیقلاریما گوزومه

باش آغیرلاییب قوجاقلاییر دیزیمه

آخداریب تاپان یوخدور منی ایزیمه

بس نه گلدی منیم یازدیخلاریم سوزومه؟

بارماق آریخلاییر یاخین دورمور الیمه

بس نولوبدی منیم اوباما الیمه

اییلیر سینیر قدیم بلیمه

نولاجاخدیر منیم اولکمه الیمه؟

احد قاچگینان سوز دیینلردن دیلیمه

چیغیر بیراخ دونیانی آت قاچ دیلیمه

گوزوم

گوزوم 

بیرگوزوم آغلار                  بیر گوزوم سوسار

بیرگوزوم داننار                    بیر گوزوم داشار

بیرگوزوم باغلار                     بیر گوزوم آچار

بیرگوزوم گولر                      بیر گوزوم یاغار

بیرگوزوم  باخار                    بیر گوزوم اومار

بیرگوزوم یالوار                     بیر گوزوم یاخار

بیرگوزوم آخار                      بیر گوزوم د خار

بیرگوزوم اوزر                      بیر گوزوم ناوار

بیرگوزوم  دوزر                    بیر گوزوم سوزر

بیرگوزوم بیاض                       بیر گوزوم قارا

بیرگوزوم نذیر                       بیر گوزوم اسیر

بیرگوزوم هارای                    بیر گوزوم هارا

بیرگوزوم فریاد                     بیر گوزوم هریاد

بیرگوزوم دونیا                      بیر گوزوم گورا

بیرگوزوم اورا                       بیر گوزوم بورا

بیرگوزوم هرن                   بیر گوزوم نه وار

بیرگوزوم دارا                      بیر گوزوم قورا

بیرگوزوم حسرت                   بیر گوزوم یاتار

بیرگوزوم ماتم                       بیر گوزوم عزا

بیرگوزوم ووصال                  بیر گوزوم چاتار

بیرگوزوم کدر                       بیر گوزوم باتار

بیرگوزوم دورا                      بیر گوزوم قورا

بیرگوزوم ایندی                  بیر گوزوم سونرا

بیرگوزوم یولا                       بیر گوزوم یارا

بیرگوزوم وورار                  بیر گوزوم هارا

بیرگوزوم داغا                     بیر گوزوم باغا

بیرگوزوم یاغا                      بیر گوزوم آخا

بیرگوزوم گتیر                      بیر گوزوم آپار

بیرگوزوم یومار                    بیر گوزوم آتار

بیرگوزوم قاچار                  بیر گوزوم چاتار

بیرگوزوم گورر                  بیر گوزوم قاتار